08.12.2025 | 11:14
Թրամփը հայտարարել է, որ «մի փոքր հիասթափված է» Զելենսկիից
Պարտքերի պատճառով մի քանի հեռուստաընկերությունների աշխատանքը 2 ժամով կդադարեցվի․ ՀՌՀ նախագահ․ ՏԵՍԱՆՅՈՒԹ
Տնտեսություն
13.04.2023 | 16:23
այաստանի հեռուստատեսային և ռադիոհաղորդիչ ցանցը առաջիկայում պատրաստվում է դադարեցնել որոշ հեռուստաընկերությունների հեռարձակումը։
Համաձայն «Հայաստանի հեռուստատեսային և ռադիոհաղորդիչ ցանց» ընկերության և հեռուստաընկերությունների միջև կնքված պայմանագրերի՝ հեռարձակումը կարող է դադարեցվել, եթե հեռուստաընկերությունները չեն կատարում պայմանագրով նախատեսված իրենց պարտավորությունները:
Պայմանագրային պարտավորությունները չկատարելու արդյունքում մի շարք հեռուստաընկերություններ կուտակել են պարտքեր։
«Պարտքերի պատճառով ցերեկվա ժամերին 2 ժամով մեկ շաբաթ կդադարեցվի մի քանի հեռուստաընկերությունների հեռարձակումը․ այդ հեռուստաընկերություններն են «Շանթ»-ը, ATV-ն, Freenews-ը, «Դար 21»-ը և «Ֆորտունա»-ն»,- ԱԺ-ում այս մասին հայտնեց ՀՌՀ նախագահ Տիգրան Հակոբյանը։
Նրա խոսքով՝ վերջին շրջանում փորձել է արվել բանակցությունների միջոցով կարգավորել այդ հարցը: «Մտավախություն ունեմ, թե ինչ կլինի, եթե հեռուստաընկերությունները չկարողանան մարել պարտքերը։ Մենք ունենք համակարգային ֆինանսական ճգնաժամ, որը ինչ-որ կերպ պետք է լուծում ստանա»,- ասաց ՀՌՀ նախագահը։
Մանրամասները՝ տեսանյութում։
