31.10.2024 | 23:28
PKK-ի բարձրաստիճան ղեկավարն Անկարայի հետ խաղաղության նոր գործընթացը կապում է Օջալանի «ֆիզիկական ազատության» հետ
Շատ լուրջ աշխատանք կա անելու. Սոցապ նախարարության ներկայացուցիչը «Զատիկ» կենտրոնի սաներին անդրադարձավ․ ՏԵՍԱՆՅՈՒԹ
Հասարակություն
13.04.2023 | 14:06
«Զատիկ» երեխաների աջակցության կենտրոնում խախտվում է խնամք ստացող դեռահասների սեռական և վերարտադրողական առողջության պահպանման, երեխաների կրթության և ժամանցի իրավունքը։ Կենտրոնում տարածված է երեխաների շրջանում վատ սովորությունները և ինքնավնասումները: Երեխաները կենտրոնում իրենց բռնությունից պաշտպանված չեն զգում:
ՀՀ Աշխատանքի և սոցիալական հարցերի նախարարության ենթակայության՝ երեխաներին, տարեցներին և հաշմանդամություն ունեցող անձանց խնամքի ծառայություններ մատուցող պետական ոչ առևտրային կազմակերպություններում մշտադիտարկում իրականացնող հասարակական դիտորդական խմբի անդամները 2023 թ. մարտի 29-ին չհայտարարված այց են կատարել նախարարության Երևանի «Զատիկ» երեխաների աջակցության կենտրոն․ եզրակացությունը մտահոգիչ է:
Դիտորդական խմբի զեկույցի հիման վրա ՀՀ Աշխատանքի և սոցիալական հարցերի նախարարի հրամանով աշխատանքային խումբ է ձևավորվել: Աշխատանքային խմբի ղեկավարի, նախարարության Մոնիթորինգի և գնահատման բաժնի պետ Արթուր Եղիազարյանի խոսքով՝ պետք է հաշվի առնել, որ կան երեխաներ, որոնք ունեն անձնական ցանկություններ:
«Հիգիենայի պարագաների բացակայության հետ կապված մենք ուսումնասիրություններ ենք իրականացրել, ստուգել ենք անգամ պահեստներում դրանց առկայությունը, դուրսգրման կարգը, երեխաների շրջանում հարցումներ ենք իրականացրել և կարծես այդ առումով խնդիրներ չկա»,- ասաց Եղիազարյանը:
Դիտորդական խմբի կողմից արձանագրվել է, որ Կենտրոնում խնամք ստացող երեխաների շրջանում լայն տարածում ունեն վատ սովորությունները։
Եղիազարյանի դիտարկմամբ՝ շատ լուրջ աշխատանք կա անելու։ Նախարարությունը շարունակում է քայլեր ձեռնարկել երեխաների կյանքի որակը բարելավելու համար և համագործակցում է ՀԿ-ների, միջազգային կառույցների հետ:
Արթուր Եղիազարյանը նշեց՝ նմանատիպ կառույցները՝ երեխաների աջակցության կենտրոնները կենդանի օրգանիզմներ են, որտեղ և՛ աշխատակիցներն են գալիս-գնում, և՛ շահառուներն են փոխվում: Խնդիրներին այս պահին լուծում տալը կարևոր է, սակայն չի բացառում դրանց կրկնությունը որոշ ժամանակ անց: Նրա համոզմամբ ՝ կարևոր է հետևողական լինելը և ուշադրություն դարձնելը այնպիսի խնդիրներին, որոնց լուծմամբ կարելի է բացառել հետագայում դրանց առաջացումը:
Մանրամասները՝ տեսանյութում։
