09.09.2026 | 17:23
ԱՄՆ-ն չինական ընկերություններին մեղադրել է ամերիկյան արհեստական բանականության տեխնոլոգիաները պատճենելու մեջ
Պարարտանյութ ներկրողները խնդրի առաջ են կանգնած․ Գյուղացին մնացել է առանց պարարտանյութի․ Դանիելյան․ ՏԵՍԱՆՅՈՒԹ
Հասարակություն
13.04.2023 | 11:51
Գործադիրը լրացումներ ու փոփոխություններ է առաջարկում «Հավատարմագրման մասին» օրենքում ու Վարչական իրավախախտումների վերաբերյալ օրենսգրքում: ՀՀ էկոնոմիկայի նախարար Վահան Քերոբյանը նշել է, որ փաթեթը մշակվել է ԵՄ Թվինինգ ծրագրի շրջանակում. նպատակն է բարեփոխել ՀՀ հավատարմագրման և որակի ենթակառուցվածքների համակարգը: Օրենսդրական դաշտը համապատասխանեցվում է ԵՄ և ԵԱՏՄ օրենսդրական կարգավորումներին:
ՀՀ հավատարմագրման ազգային մարմինը կդառնա Եվրոպական հավատարմագրման մարմինների ասոցիացիայի անդամ: Դրանով Հայաստանի Հանրապետությունում հավատարմագրված մարմինների, այսինքն՝ լաբորատորիաների և նմանատիպ այլ կազմակերպությունների տված համապատասխանության փաստաթղթերը կընդունվեն ԵՄ և ԵԱՏՄ կազմակերպությունների կողմից: Նախատեսվում է կարգավորել հավատարմագրման ոլորտում սահմանված հիմնական հասկացությունները:
Նախագծի քննարկման ժամանակ Հայաստան խմբակցության պատգամավոր Գառնիկ Դանիելյանը ԱԺ ամբիոնից հայտարարեց, որ պարարտանյութ ներկրողները խնդրի առաջ են կանգնած։
«Ամիսներ առաջ որոշում է կայացվել, այդ մասին ներկրողներին տեղյակ չի պահվել, որի հետևանքով գյուղատնտեսական աշխատանքների մեկնարկին գյուղացին փաստացի մնացել է առանց պարարտանյութի»,- նշեց պատգամավորը՝ ընդգծելով, որ այս խնդիրը հրատապ լուծման կարիք ունի։
Մանրամասները՝ տեսանյութում։
