07.09.2026 | 21:58
Երրորդ դեպքը 5 ամսում․ ի՞նչ է կատարվում Բյուրեղավանի խմելու ջրի հետ. ՏԵՍԱՆՅՈՒԹ
SMM ոլորտը հսկայական գումարներ է աշխատում․ չե՞ք հարկելու․ Նազարյանը՝ Քերոբյանին․ ՏԵՍԱՆՅՈՒԹ
Տնտեսություն
13.04.2023 | 11:41
«Հավատարմագրման մասին ՀՀ օրենքում» և «Վարչական իրավախախտումների վերաբերյալ ՀՀ օրենսգրքում» փոփոխություններ կատարելու մասին նախագծերի փաթեթը, որով կառավարությունը մտադիր է էապես բարեփոխել ենթակառուցվածքների համակարգը, ԱԺ նիստում քննարկման ներկայացրեց ՀՀ էկոնոմիկայի նախարար Վահան Քերոբյանը։
Փաթեթը մշակվել է ԵՄ Թվինինգ ծրագրի շրջանակում. նպատակն է բարեփոխել ՀՀ հավատարմագրման և որակի ենթակառուցվածքների համակարգը: Օրենսդրական դաշտը համապատասխանեցվում է ԵՄ և ԵԱՏՄ օրենսդրական կարգավորումներին: ՀՀ հավատարմագրման ազգային մարմինը կդառնա Եվրոպական հավատարմագրման մարմինների ասոցիացիայի անդամ: Դրանով Հայաստանի Հանրապետությունում հավատարմագրված մարմինների, այսինքն՝ լաբորատորիաների և նմանատիպ այլ կազմակերպությունների տված համապատասխանության փաստաթղթերը կընդունվեն ԵՄ և ԵԱՏՄ կազմակերպությունների կողմից: Նախատեսվում է կարգավորել հավատարմագրման ոլորտում սահմանված հիմնական հասկացությունները:
Նախագծերի փաթեթի քննարկման ժամանակ «Հայաստան» խմբակցության պատգամավոր Գեղամ Նազարյանը հորդորեց մանրամասն պարզաբանել, թե այդ ինչպես է ստացվում, որ ԵՄ և ԵԱՏՄ այս ոլորտին վերաբերող պահանջներն այդքան օրինական են և ինչպես է մի որոշումով այդ հարցը կարգավորվելու։
Բացի դրանից՝ պատգամավորը նշեց․ «Հարկում եք բժշկին, շինարարին, պատգամավորին, բայց բլոգերների և SMM ոլորտում հսկայական գումարներ են վաստակում, այդ ոլորտին անդրադարձե՞լ եք, թե՞ չէ»։
Մանրամասները՝ տեսանյութում։
