06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Հոկայդո կղզու հյուսիսում տագնապ է հայտարարվել Հյուսիսային Կորեայի կողմից հրթիռի արձակումից հետո
Քաղաքականություն
13.04.2023 | 12:56
Հյուսիսային Կորեան բալիստիկ հրթիռ է արձակել Ճապոնական ծովի ուղղությամբ, հաղորդում է AP լրատվական գործակալությունը՝ վկայակոչելով Հարավային Կորեայի զինված ուժերի միացյալ շտաբին։
Ավելի ուշ, Yonhap գործակալությունը, կրկին հղում անելով հարավկորեացի զինվորականներին, հավելել է, որ ԿԺԴՀ-ն, ըստ երևույթին, փորձարկում է նոր հրթիռ, հնարավոր է՝ պինդ վառելանյութով, միջին կամ մեծ հեռահարության, գրում է DW-ի ռուսական ծառայությունը: Ճապոնիայի կառավարությունը տեղական ժամանակով առավոտյան ժամը մոտ 8-ին Հոկայդո կղզու հյուսիսի բնակիչներին հորդորել է մտնել ապաստարաններ. անվտանգության համակարգը կանխատեսել էր, որ ԿԺԴՀ-ի հրթիռը կարող է ընկնել կղզու վրա կամ դրա մոտակայքում:
Կարճ ժամանակ անց տագնապի ազդանշանը չեղարկվել է. Տոկիոյում հայտնել են, որ կանխատեսումը սխալ էր, և հյուսիսկորեական հրթիռն ընկել է ծովը։ Վարչապետ Ֆումիո Կիսիդան հայտարարել է Ճապոնիայի ազգային անվտանգության խորհրդի նիստ գումարելու պլանների մասին՝ կապված արձակման հետ:
Երկուշաբթի օրը՝ ապրիլի 10-ին, Հյուսիսային Կորեայի ղեկավար Կիմ Չեն Ընը հանդիպում է ունեցել երկրի բարձրագույն զինվորական ղեկավարների հետ, որի ժամանակ նա խոստացել է ամրապնդել Հյուսիսային Կորեայի միջուկային զինանոցը ավելի «գործնական և հարձակողական» ձևով՝ հակառակորդների «խելահեղ» զորավարժությունների ֆոնին։
Տաթև Ֆռանգյան
