Ոստիկանությունը Սուրբ Զատիկին սահմանափակել է Երուսաղեմում հավատացյալների թիվը

Եկեղեցու առաջնորդները հայտնել են, որ իսրայելական ոստիկանությունը չափազանց խիստ սահմանափակումներ է մտցրել ուղղափառ հավատացյալների նկատմամբ, ովքեր պատրաստվում են Զատիկի տոնին այցելել Երուսաղեմի Սուրբ գերեզմանի եկեղեցի, գրում է BBC-ի ռուսական ծառայությունը։

Նրանց տվյալներով՝ անցյալ տարի տաճարում Սուրբ կրակի բարձրացման արարողությանը ներկա է եղել մոտ 10 հազար մարդ, այս տարի նրանց թիվը սահմանափակվել է 1800-ով։ Արևելյան Երուսաղեմի անվտանգության համար պատասխանատու ոստիկանությունը, որտեղ գտնվում է սրբավայրը, ասում է, որ սահմանափակումներ մտցնելով՝ ապահովում են հավատացյալների անվտանգությունը։  Ծեծկռտուքը հասել է նրան, որ եկեղեցու որոշ պաշտոնյաներ հորդորել են ուխտավորներին պարզապես անտեսել այդ սահմանափակումները:

«Մենք արարողություն կանցկացնենք և կհրավիրենք բոլորին, ովքեր ցանկանում են խոնարհվել մեզ հետ», – չորեքշաբթի ասել է Հույն ուղղափառ եկեղեցու վարդապետ Մաթեոս Սիոպսիսը։ Ասուլիսին ներկա էին վեց քրիստոնեական դավանանքների ներկայացուցիչներ, որոնք ղեկավարում են սրբավայրը՝ հայ, հույն ուղղափառ, կաթոլիկ, ղպտի, սիրիացի և եթովպացի:

«Մեր մտադրությունները հստակ հայտնելով՝ մենք իշխանություններին թույլ ենք տալիս գործել իրենց հայեցողությամբ: Մենք ծառայությունը կանցկացնենք ինչպես միշտ և դա անելու ենք խաղաղ պայմաններում»,- հավելել է նա:

Անցյալ տարի սոցիալական ցանցերում  տեսանյութեր էին հայտնվել, որտեղ երևում էր, թե ինչպես է ծեծկռտուք գրանցվել հավատացյալների ու սպաների հետ, որոնք  թույլ չեն տվել նրանց տաճար մտնել:

Տաթև Ֆռանգյան