13.01.2025 | 23:21
Հասմիկ Տոլմաջյանը նշանակվել է Շվեյցարիայում ՀՀ դեսպան
Համաշխարհային դասի լեռնադահուկային համալիր ու էկոգյուղ կունենանք․ Քերոբյան․ ՏԵՍԱՆՅՈւԹ
Տնտեսություն
12.04.2023 | 20:48
Արագած ներդրումային ծրագրով նախանշված ներդրումների ծավալը կկազմի մոտ 190 մլն դոլար։ Այս մասին այսօր ԱԺ-ում հարցուպատասխանի ժամանակ հայտնեց ՀՀ էկոնոմիկայի նախարար Վահան Քերոբյանը։
«Այդ ծրագրի ներքո պետք է կառուցվի էկոգյուղ՝ 300 ֆերմերային տնտեսությամբ, մեծ ջրամբարով՝ 300 մլն խորանարդ մետր տարողությամբ, ինչպես նաև լեռնադահուկային համալիր կկառուցվի, ճոպանուղի, հյուրանոցներ և այլն։
Ներդրումային այս ծրագիրը հաստատվել է, այժմ նախապատրաստական աշխատանքներ են իրականացվում, որպեսզի մեկնարկեն համայնքի հետ հողի օտարման, հողի նշանակության փոփոխության և այլ աշխատանքները»,- նշեց Քերոբյանը։
Նախարարը հայտնեց նաև, որ այս փուլում բանակցություններ են ընթանում ֆրանսիական ընկերության հետ, որպեսզի այդ ընկերությունը ներգրավվի այս ծրագրի կառավարման գործում։
«Եթե այդ համագործակցությունը կայանա, մենք կունենանք համաշխարհային կլասի լեռնադահուկային համալիր և էկոգյուղ»,- վստահեցրեց Քերոբյանը։
Մանրամասները՝ տեսանյութում։
