Քաղաքականություն
12.04.2023 | 19:10
Համացանցում տեսանյութեր են հայտնվել, որոնցից մեկում երևում է ենթադրաբար ուկրաինացի ռազմագերի տղամարդու դաժան մահապատիժը, իսկ մյուսում՝ ենթադրյալ ուկրաինացի զինվորների խոշտանգված մարմինները, գրում է DW-ի ռուսական ծառայությունը:
Լրատվամիջոցը գրում է, որ Ուկրաինայում ՄԱԿ-ի մարդու իրավունքների մոնիտորինգային առաքելությունը վրդովված է ապրիլի 11-ին սոցցանցերում հայտնված սարսափելի տեսանյութերից, որոնցում ենթադրաբար ռուս զինվորների կողմից ուկրաինացի ռազմագերու ենթադրյալ գլխատումն են պատկերում։
«Ցավոք սրտի, սա եզակի դեպք չէ։ Վերջին զեկույցներում առաքելությունը փաստագրել է միջազգային մարդասիրական իրավունքի մի շարք լուրջ խախտումներ, այդ թվում՝ ռազմագերիների դեմ: Այս վերջին խախտումները նույնպես պետք է պատշաճ կերպով հետաքննվեն, և մեղավորները պետք է պատասխանատվության ենթարկվեն»,-ասված է կազմակերպության կայքէջում հրապարակված հաղորդագրության մեջ։
