08.10.2026 | 18:02
Փարիզում քննարկվել է ապաստանի գործերով մասնագիտացված դատավորներ ունենալու հնարավորությունը
Ադրբեջանում քաղաքական կազմակերպությունները դատապարտել են կրոնական ակտիվիստների զանգվածային ձերբակալությունները
Քաղաքականություն
12.04.2023 | 20:26
Ադրբեջանում «Մուսուլմանական միասնություն» և «Ժողովրդավարություն 18» շարժումը համատեղ հայտարարություն են տարածել՝ դատապարտելով երկրում կրոնական ակտվիստների ու գործիչների զանգվածային ձերբակալությունները ու պահանջել ազատ արձակել նրանց։ Հայտարարության մեջ ասվում է, որ հավատացյալների նկատմամբ բռնաճնշումների մասին տեղեկատվություն հանրությանը չի հասնում, իսկ նման դեպքերի թիվն աճում է։
«Վերջին երեք ամսվա ընթացքում ձերբակալվել են «Մահմեդական միասնություն» շարժման 27 անդամ, 16 կրոնական գործիչ էլ կալանավորվել է։ Շարժման 6 անդամ ենթարկվել է վարչական կալանքի, իսկ վարչական կալանքից ազատված Նիզամի Ահմեդը կրկին ձերբակալվել է, նրա դեմ քրեական գործ է հարուցվել»,- ասվում է հայտարարության մեջ։
Հավելենք, որ վերջին շրջանում Ադրբեջանում Իրանի հետ հարաբերությունների լարվածության պատճառով շարունակվում են կրոնական ակտվիստների ու գործիչների զանգվածային ձերբակալությունները։ Որոշ տվյալներով՝ ձերբակալվածների թիվը շուրջ 400 է։ Իշխանամետ ու քարոզչական լրատվամիջոցներում այս ձերբակալությունները ներկայացվում են որպես «Իրանի լրտեսական ցանցի» բացահայտում։
Էմմա Չոբանյան
