08.10.2026 | 16:52
Հայտնի է Արման Ծառուկյանի հաջորդ մրցակիցը RAF-ում. ԼՈՒՍԱՆԿԱՐ
Իրաքը ԱՄՆ դատարանից պահանջում է կիրառել Թուրքիայի դեմ Քուրդիստանից նավթի արտահանման մասով արբիտրաժի վճիռը
Քաղաքականություն
12.04.2023 | 19:30
Ըստ դատարան ներկայացված փաստաթղթերի՝ Իրաքը դիմել է ԱՄՆ դաշնային դատարան՝ Թուրքիայի դեմ ընդունված արբիտրաժային վճիռը կիրառելու համար՝ կապված իրաքյան նավթի արտահանման հետ, գրում է Reuters-ը։
Հավելենք, որ նախորդ ամիս Միջազգային Առևտրի պալատի (ICC) արբիտրաժային որոշման համաձայն՝ Իրաքը փոխհատուցում է ստացել այն գործով, որում Բաղդադը մեղադրում էր Անկարային՝ 2014-2018 թվականներին Քրդական տարածաշրջանային կառավարությանը առանց պաշտոնական Բաղդադի համաձայնության նավթի արտահանում թույլ տալու համար։
Հայցը ներկայացվել է ԱՄՆ Կոլումբիայի շրջանային դատարան, որով Իրաքը դատարանից պահանջում է «Ճանաչել, հաստատել և կիրառել Արբիտրաժային տրիբունալի կողմից տրված վերջնական որոշումը»:
Իրաքի դաշնային ու Քուրդիստանի տեղի կառավարությունը անցյալ շաբաթ ստորագրել էին ժամանակավոր համաձայնագիր, որը թույլ կտա վերսկսել հյուսիսային նավթի արտահանումը Թուրքիայի տարածքով։
Իրաքը մարտի 25-ին հայտարարել էր, որ շահել է արբիտրաժային գործը: Գործին ծանոթ աղբյուրի համաձայն՝ դատարանը Թուրքիային պարտավորեցրել է Իրաքին վճարել մոտ 1,5 միլիարդ դոլար՝ 2014-2018 թթ.-ի համար։ Երեք օր անց Թուրքիայի էներգետիկայի նախարարը հայտարարել էր, որ արբիտրաժի որոշմամբ Անկարային ևս պետք է փոխհատուցում վճարվի։
Էմմա Չոբանյան
