15.09.2026 | 16:53
Ըստ ՔԿ-ի՝ տղամարդը կնոջը դուրս է գցել ընթացող մեքենայից՝ 4-ամյա դստեր ներկայությամբ
Պետք է հարգել 1991 թ․-ի սահմանային գիծը, կողմերի ուժերը պետք է հետ քաշվեն․ ԵՄ հայտարարությունը Տեղի զինված միջադեպի վերաբերյալ
Քաղաքականություն
12.04.2023 | 15:14
ԵՄ Արտաքին գործերի և անվտանգության քաղաքականության խոսնակ Նաբիլա Մասրալին հայտարարություն է տարածել նախօրեին ՀՀ Տեղ գյուղում ադրբեջանական զինված ուժերի իրականացրած զինված հարձակման առնչությամբ։
«ԵՄ-ն իր ափսոսանքն է հայտնում հայ-ադրբեջանական սահմանին՝ Տեղի շրջանում զինված բախումների համար, որոնց հետևանքով հայ և ադրբեջանցի զինծառայողներ են զոհվել ու վիրավորել»։
Այս միջադեպը ևս մեկ անգամ ընդգծում է, որ սահմանազատված սահմանի բացակայության դեպքում պետք է հարգել 1991 թ.-ի գիծը, կողմերի ուժերը պետք է հետ քաշվեն այդ գծից անվտանգ հեռավորության վրա՝ կանխելու համար նմանատիպ միջադեպերի կրկնությունը»,-ասվում է հայտարարության մեջ։
«Նախկին պարտավորությունները պետք է հարգվեն, այդ թվում՝ 2022 թվականի հոկտեմբերին Պրահայում ձեռք բերվածը՝ կապված 1991 թվականի Ալմաթիի հռչակագրի համաձայն տարածքային ամբողջականության փոխադարձ ճանաչման հետ: ԵՄ-ն նաև կոչ է անում ակտիվացնել սահմանի սահմանազատման շուրջ բանակցությունները և շարունակում է պատրաստ լինել աջակցելու այս գործընթացին։ ԵՄ-ն շարունակում է աջակցել այդ ջանքերին, այդ թվում՝ ամենաբարձր մակարդակով, ինչպես նաև Հայաստանում ԵՄ առաքելության ներկայությամբ»,-նշվում է հայտարարության մեջ։
Էմմա Չոբանյան
