14.01.2025 | 16:50
Կատարը հայտնել է Իսրայելի և ՀԱՄԱՍ-ի միջև բանակցությունների վերջնական փուլի մասին․ համաձայնագիրը կարող է այսօր ստորագրվել
Երևանում մեկնարկող ծանրամարտի Եվրոպայի առաջնության մրցավարների և պատվիրակների թվում Հայաստանն ունի երեք ներկայացուցիչ
12.04.2023 | 15:23
Երևանում կայանալիք ծանրամարտի Եվրոպայի առաջնությանը մրցավարների և տեխնիկական պատվիրակների թվում Հայաստանը երեք ներկայացուցիչ ունի։
«Արմենպրես»-ի փոխանցմամբ՝ մրցավարների թվում է ծանրամարտի աշխարհի և Եվրոպայի չեմպիոն Նազիկ Ավդալյանը: Տեխնիկական պատվիրակների շարքում են միջազգային կարգի մրցավարներ Արայիկ Ալավերդյանը, ինչպես նաև Հարություն Չաբոնյանը:
Ծանրամարտի Եվրոպայի առաջնությունը կկայանա Երևանի Կարեն Դեմիրճյանի անվան մարզահամերգային համալիրում ապրիլի 15-23-ը: Անկախ Հայաստանի պատմության մեջ առաջին անգամն է, որ Երևանն ընդունում է նման խոշորամասշտաբ մրցաշար: Ծանրամարտի Եվրոպայի առաջնությունը վարկանիշային է Փարիզի 33-րդ ամառային Օլիմպիական խաղերի համար: Առաջնությանը կմասնակցեն մոտ 40 երկրի 500-ից ավել մարզիկներ: Ընդհանուր պատվիրակությունների թիվը կգերազանցի 1000-ը: Առաջնության բացման պաշտոնական արարողությունը կկայանա ապրիլի 14-ին:
