06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Սիրիան և Թունիսը 10 տարվա դադարից հետո որոշել են վերականգնել դիվանագիտական շփումները
Քաղաքականություն
12.04.2023 | 16:06
Սիրիան, ի պատասխան Դամասկոսում դեսպան նշանակելու Թունիսի որոշման, որոշել է վերաբացել այդ երկրում իր դիվանագիտական ներկայացուցչությունը և առաջիկա տարիներին դեսպան ուղարկել այնտեղ։ Այս մասին ասվում է չորեքշաբթի օրը հրապարակված երկու պետությունների համատեղ հայտարարության մեջ, գրում է ՏԱՍՍ-ը։
«Ի պատասխան Թունիսի Հանրապետության նախագահ Կաիս Սաիդի՝ Սիրիայի Արաբական Հանրապետությունում դեսպան նշանակելու նախաձեռնությանը, սիրիական կառավարությունը հայտարարել է այս նշանակումն անհապաղ հաստատելու մասին, որոշել է Թունիսում բացել Սիրիայի դեսպանատուն և նշանակել դեսպան առաջիկա տարիներին»,- հայտարարությունը մեջբերում է SANA-ն։
Դրանում ընդգծվում է, որ երկու երկրների արտգործնախարարների միջեւ շարունակվում են խորհրդակցությունները՝ «սիրիա-թունիսյան հարաբերությունները վերականգնելու համար»։
Թունիսը խզել է դիվանագիտական հարաբերությունները Սիրիայի հետ մոտ 10 տարի առաջ այդ երկրում զինված հակամարտություն սկսելուց անմիջապես հետո։ Այս տարվա փետրվարին Թունիսի նախագահը հայտարարեց Դամասկոսում դիվանագիտական ներկայացուցչության մակարդակը բարձրացնելու և դեսպան նշանակելու որոշման մասին։
Տաթև Ֆռանգյան
