Քաղաքականություն
12.04.2023 | 12:49
Բաքվում ընթանում է Ադրբեջանի ԱԳ նախարար Ջեյհուն Բայրամովի հանդիպումը ԵԱՀԿ գործող նախագահ, Հյուսիսային Մակեդոնիայի ԱԳ նախարար Բույար Օսմանիի հետ։ Ադրբեջանի ԱԳՆ հաղորդում է, որ կողմերը քննարկելու են համագործակցության ու ակտուալ տարածաշրջանային հարցեր։ Հավելենք, որ Օսմանիի այցը տարածաշրջանային է։ Ավելի վաղ նա այցելել էր Թբիլիսի։ Երևան այց ևս նախատեսվում է։
Կազմակերպությունը ավեի վաղ հայտնել էր, որ այցը կենտրոնանալու է ԵԱՀԿ-ի, Վրաստանի, Ադրբեջանի և Հայաստանի միջև համագործակցության ամրապնդման, անվտանգության առկա մարտահրավերների լուծման և Հարավային Կովկասի տարածաշրջանում երկխոսությամբ խաղաղության և կայունության խթանման վրա:
