16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ամերիկյան փաստաթղթերի արտահոսքը ցույց է տալիս, որ Սերբիան Ուկրաինային զենք է մատակարարում․Reuters
Քաղաքականություն
12.04.2023 | 12:02
Reuters-ի լրագրողները Պենտագոնից արտահոսած փաստաթղթերում գտել են ապացույցներ, որ Բելգրադը պարտավորվել է Ուկրաինային զենք տրամադրել և, հնարավոր է, արդեն տրամադրել է այն, գրում է BBC-ի ռուսական ծառայությունը։ Սերբիան միակ երկիրն է Եվրոպայում, որը հրաժարվել էր ՌԴ-ի դեմ պատժամիջոցներ կիրառել Ուկրաինա ներխուժման համար։ Լրագրողները ռազմական օգնության մասին տեղեկությունը գտել են եվրոպական կառավարությունների պատասխանների ամփոփագրում։ Ըստ փաստաթղթի՝ Սերբիան հրաժարվել է ուկրաինական ուժերի ուսուցում կազմակերպել, սակայն պարտավորվել է ուղարկել «մահաբեր օգնություն» կամ արդեն տրամադրել է այն։ Նաև ասվում է, որ Բելգրադում կա քաղաքական կամք ու ռեսուրսներ նրա համար, որ ապագայում Ուկրաինային զենք մատակարարվի։ Փաստաթուղթը թվագրված է մարտի 2-ով։
Լրատվականը գրում է, որ դա զարմանալի է, քանի որ Սերբիան վաղուց ընկալվում էր որպես Ռուսաստանի բարեկամներից մեկը համաշխարհային ասպարեզում, և երկիրը փորձում էր չեզոք դիրք գրավել ուկրաինական պատերազմի հարցում։ Կիևում ու Բելգրադում այս տեղեկությունը դեռ չեն մեկնաբանել։
Հիշեցնենք՝ Պենտագոնից գաղտնի փաստաթղթերի արտահոսքը տեղի էր ունեցել անցյալ շաբաթ։
