05.11.2024 | 09:40
Բյուջե-2025-ի նախագծի քննարկումները ԱԺ հանձնաժողովներում՝ ՈՒՂԻՂ
Իրանն ու Ռուսաստանն ավիացիայի ոլորտում համագործակցության հուշագրեր են ստորագրել
Քաղաքականություն
11.04.2023 | 20:21
Իրանի և Ռուսաստանի ներկայացուցիչները ավիացիայի ոլորտում համագործակցության հուշագրեր են ստորագրել, երեքշաբթի ISNA-ին հայտնել է Իրանի քաղաքացիական ավիացիայի կազմակերպության ղեկավար Մոհամմադ Մոհամմադի-Բախշը, փոխանցում է ՌԻԱ Նովոստին։
«Իրանի և Ռուսաստանի միջև ամենաբարձր մակարդակով երկկողմ հուշագրեր և համաձայնագրեր են ստորագրվել օդաչուների պատրաստման ենթակառուցվածքների և ինքնաթիռների վերանորոգման և սպասարկման կենտրոնների օգտագործման վերաբերյալ», – Մոհամմադի-Բախշի խոսքերն է մեջբերում գործակալությունը։
Հիշեցնենք, որ ավելի վաղ հայտնի էր դարձել, որ ռուսական «Աերոֆլոտ» ավիաընկերությունն առաջին անգամ Իրան է ուղարկել իր ինքնաթիռները վերանորոգման և սպասարկման համար։
