05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Պակիստանը Ուկրաինա 230 կոնտեյներ բեռ կուղարկի պաշտպանությունն ուժեղացնելու համար․ The Economic Times
Քաղաքականություն
11.04.2023 | 18:05
Պակիստանը 230 կոնտեյներ կուղարկի Ուկրաինա, հայտնում է The Economic Times հնդկական հրատարակությունը՝ հղում անելով սեփական աղբյուրներին։ Թե կոնկրետ ինչ կլինի դրանցում, պարբերականը չի նշում, սակայն հայտնում է, որ բեռը նախատեսված է լինելու Ուկրաինայի պաշտպանությունն ուժեղացնելու համար։ Ըստ The Economic Times-ի՝ բեռնարկղերը կուղարկվեն երկու՝ MV Bokram և MV Kherson նավերով Կարաչի նավահանգստից: Մատակարարումները կլինեն «պաշտպանության ոլորտում երկրների գործընկերության խորացման ազդանշան»։
Հրատարակության զրուցակիցը նշում է, որ Պակիստանից Ուկրաինա զենք տեղափոխող նավերն ավելի հաճախ են սկսել օգտագործել ԱՄՆ-ի և եվրոպական երկրների դրոշները, իսկ Լեհաստանի և Գերմանիայի նավահանգիստները Պակիստանից զենքի, այդ թվում՝ տանկերի և հրթիռների տեղափոխման հիմնական կետերն են։
2022 թվականի դեկտեմբերի վերջին հնդկական լրատվամիջոցները, հղում անելով արտահոսքերին և իրենց իրազեկ աղբյուրներին, հաղորդում էին Իսլամաբադի և Կիևի միջև չհրապարակված ռազմատեխնիկական համագործակցության մասին։ Մասնավորապես, The Economic Times-ը գրել էր, որ Պակիստանը նախատեսում է զինամթերք, ինչպես նաև ականանետներ և հրթիռային կայանքներ ուղարկել Ուկրաինա՝ Արևելյան Եվրոպայի երկրների միջոցով։
Փետրվարի 12-ին The Economic Times-ը հայտնել էր, որ Պակիստանն Ուկրաինային է մատակարարել ավելի քան 10 հազար 122 մմ տրամաչափի «Գրադ» հրթիռային կայանք: Պակիստանի արտաքին գործերի նախարարությունը Կիևին զենք մատակարարելու մասին տեղեկատվությունը իրականությանը չհամապատասխանող էր անվանել: Չնայած դրան Ռուսաստանն այդ ժամանակ մերժել էր Պակիստանին նավթի գնի հարցում զեղչեր տրամադրել՝ հիմնավորելով Կիև հնարավոր ռազմական առաքումները։
Տաթև Ֆռանգյան
