08.10.2026 | 14:15
Տոկաևն առաջարկել է Միջին միջանցքն ինտեգրել TRIPP-ին
Իսրայելի վարչապետը չեղարկել է պաշտպանության նախարարին աշխատանքից ազատելու որոշումը
Քաղաքականություն
11.04.2023 | 15:33
Իսրայելի վարչապետ Բենիամին Նեթանյահուն չեղարկել է պաշտպանության նախարար Յոավ Գալանտին աշխատանքից ազատելու որոշումը։ Այս մասին Նեթանյահուն հայտարարել է ժողովրդին ուղղված հեռուստաուղերձի ժամանակ։ Կառավարության ղեկավարն ասել է, որ պաշտպանության նախարարի հետ միասին աշխատում է «24 ժամ բոլոր ճակատներում» և որոշել է «մի կողմ դնել տարաձայնությունները», գրում է DW-ի ռուսական ծառայությունը։
Գալանտին պաշտոնանկ անելու մասին հայտարարությունը հայտնվել էր մարտի 26-ին կառավարության ղեկավարի գրասենյակի կայքում։ Պաշտոնանկությունը տեղի է ունեցել անմիջապես այն բանից հետո, երբ Գալանտը բացահայտ քննադատել է Նեթանյահուի կառավարության կողմից խրախուսվող դատական բարեփոխումները և զանգվածային բողոքի ցույցերի պատճառ դարձել Իսրայելում: Ուշագրավ է, որ նախարարն իր հրաժարականի մասին պաշտոնական ծանուցում չի ստացել։
Վերջին շաբաթներին պաշտպանության նախարարի հրաժարականի մասին խոսակցությունների ֆոնին Իսրայելում իրավիճակը սրվել է։ Նեթանյահուն ապրիլի 10-ին հայտարարել է, որ երկիրը «ահաբեկչական հարձակման տակ է»: Կառավարության ղեկավարը դատաիրավական բարեփոխումների հակառակորդներին մեղադրել է երկրում ներքին պառակտման պատճառ դառնալու մեջ։
Իսրայելում Նեթանյահուի վիճահարույց նախաձեռնության դեմ բողոքի ցույցերը շարունակվում են արդեն մի քանի ամիս՝ ուղեկցվելով ոստիկանության հետ բախումներով։ Ցուցարարները համոզված են, որ կառավարության ծրագրերը՝ իրեն իրենց թույլ տալ չեղյալ համարել երկրի Գերագույն դատարանի որոշումները և ազդել դատավորների նշանակման վրա, հակասում են Իսրայելի ժողովրդավարության հիմքերին։
