24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Մայիսին Մոսկվայում սպասվում է ՌԴ-ի, Թուրքիայի, Իրանի ու Սիրիայի ԱԳ նախարարների հանդիպումը
Քաղաքականություն
11.04.2023 | 16:41
Թուրքիայի, Ռուսաստանի, Իրանի և Սիրիայի արտաքին գործերի նախարարները կարող են բանակցություններ անցկացնել հաջորդ ամսվա սկզբին, որպես Անկարայի և Դամասկոսի միջև մերձեցմանը նպաստելու Մոսկվայի փորձի մի մաս, գրում է The National news-ը։ Այս մասին հայտարարել է Թուրքիայի ԱԳ նախարար Մևլութ Չավուշօղլուն։ «Հանդիպումը, ամենայն հավանականությամբ, կկայանա մայիսի սկզբին Մոսկվայում»,-ասել է նա A Haber հեռուստաալիքին՝ ընդգծելով, որ դրա արդյունքում կարող է պայմանավորվածություն ձեռք բերվել ղեկավարների մակարդակով հանդիպման շուրջ։
Հիշեցնենք, որ ապրիլի 4-ին Մոսկվայում տեղի էր ունեցել ՌԴ-ի, Թուրքիայի, Իրանի ու Սիրիայի ԱԳ փոխնախարարների հանդիպումը։ Իսկ ԱԳ նախարարների մակարդակով հանդիպման անցկացման հարցը քննարկվել էր օրերս ՌԴ ԱԳ նախարար Սերգեյ Լավրովի՝ Անկարա կատարած այցի ընթացքում։
Հավելենք, որ դեռևս նախորդ տարվա դեկտեմբերին Մոսկվայում, 2011 թվականից ի վեր առաջին անգամ, տեղի էր ունեցել Թուրքիայի և Սիրիայի պաշտոնյաների՝ ՊՆ ու հետախուզական ծառայությունների ղեկավարների հանդիպումը։
Էմմա Չոբանյան
