23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Չինական Alibaba կորպորացիան ստեղծել է ChatGPT-ի սեփական տարբերակը
Քաղաքականություն
11.04.2023 | 14:57
Չինական Alibaba կորպորացիան ներկայացրել է սեփական արհեստական ինտելեկտի լեզվի մոդելը, որը կոչվում է Tongyi Qianwen, որը նման է ChatGPT-ին: Այս մասին ապրիլի 11-ին հայտնել է Reuters գործակալությունը։
«Մենք գտնվում ենք տեխնոլոգիական ջրբաժանում, որը պայմանավորված է գեներատիվ արհեստական ինտելեկտով և ամպային հաշվարկներով։ Բոլոր ոլորտների ձեռնարկությունները սկսել են օգտագործել ինտելեկտուալ փոխակերպումները՝ մեկ քայլ առաջ լինելու համար», – հայտարարել է ընկերության գործադիր տնօրեն Դանիել Չժանը:
Նշվում է, որ մշակումը նախատեսվում է ինտեգրել ընկերության բոլոր բիզնես հավելվածներում։ Նախ լեզվական պանելը կմիացվի DingTalk-ի՝ Alibaba-ի հաղորդագրությունների հավելվածին և կարող է օգտագործվել հանդիպումներն ամփոփելու, նամակներ գրելու և բիզնես առաջարկներ մշակելու համար: Այն կավելացվի նաև Tmall Genie-ին՝ Alibaba-ի ձայնային օգնականին և AliExpress առևտրային հարթակին:
Տաթև Ֆռանգյան
