04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
Եգիպտոսը նախատեսում էր գաղտնի 40 հազար հրթիռ մատակարարել Ռուսաստանին․ WP
Քաղաքականություն
11.04.2023 | 13:25
Եգիպտոսի նախագահ Աբդել Ֆաթահ ալ-Սիսին՝ Մերձավոր Արևելքում ԱՄՆ-ի ամենամոտ դաշնակիցներից մեկը, վերջերս հրամայել է արտադրել շուրջ 40 հազար հրթիռ՝ մաքսանենգ ճանապարհով Ռուսաստան տեղափոխելու համար, գրում է Washington Post-ը՝ հղում անելով Պենտագոնից արտահոսած փաստաթղթերին։
Հրապարակման համաձայն՝ փետրվարի 17-ով թվագրված «Հույժ գաղտնի» փաստաթղթում շարադրվում են Սիսիի և Եգիպտոսի բարձրաստիճան զինվորականների ենթադրյալ խոսակցությունները, ինչպես նաև նշվում են Ռուսաստանին հրետանային արկերի և վառոդի մատակարարման պլանները։ Փաստաթղթի համաձայն՝ Սիսին պաշտոնյաներին հանձնարարել է գաղտնի պահել արկերի արտադրությունն ու առաքումը «Արևմուտքի հետ խնդիրներից խուսափելու համար»։
Մեկնաբանելով այս արտահոսքը՝ Եգիպտոսի իշխանությունները լրագրողներին ասել են, որ հավատարիմ են Ուկրաինայի պատերազմին չմիջամտելու դիրքորոշմանը և կոչ են անում բոլոր կողմերին վայր դնել զենքերը։ ԱՄՆ կառավարության ներկայացուցիչը, անանուն մնալու պայմանով, ասել է, որ, ըստ ամենայնի, մատակարարման պլանը չի իրականացվել։
Տաթև Ֆռանգյան
