16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԱՄՆ-ը սկսում է միջուկային ուժերի պատրաստության ստուգման վարժանքները
Քաղաքականություն
11.04.2023 | 11:17
ԱՄՆ ռազմավարական հրամանատարության (Stratcom) ամենամյա միջուկային ուժերի պատրաստության ստուգման Global Thunder 23 զորավարժությունները մեկնարկում են այս շաբաթ։ VOA-ի փոխանցմամբ՝ այս մասին հայտնում է հրամանատարության մամուլի ծառայությունը։
«Stratcom»-ը միջուկային ուժերի կառավարման ու վերահսկման Global Thunder ամենամյա զորավարժությունները կսկսի 2023 թվական ապրիլի 11-ին»,-ասվում է հաղորդագրության մեջ։ Նշվում է, որ նման վարժանքներն անցկացվում են ամեն տարի և պատասխան չեն որևէ պետության գործողություններին։
Ինչպես պարզ է դառնում հայտարարությունից, զորավարժությունների հիմնական նպատակը միջուկային ուժերի պատրաստվածության բարձրացման և ռազմավարական զսպման հնարավորությունների գնահատումն է։
Ինչպես նշում է մամուլի ծառայությունը, զորավարժություններին կմասնակցեն ԱՄՆ հիմնական դաշնակիցները, այդ թվում՝ Մեծ Բրիտանիան։ Զորավարժությունների ընթացքում կավելացվի ռմբակոծիչների թռիչքների թիվը։ Սա երկրորդ խոշոր զորավարժությունն է, որը ԱՄՆ-ն հայտարարել է այս ամսվա ընթացքում։
Ավելի վաղ Պենտագոնը հայտարարել էր, որ ապրիլի 22-ին մեկնարկող Defender 23 զորավարժություններին կմասնակցի մոտ 9000 ամերիկացի զինծառայող։
