27.06.2026 | 09:03
ԱԱ-2026. Բելգիան ու Եգիպտոսը նվաճեցին փլեյ-օֆֆի ուղեգիր. ՏԵՍԱՆՅՈՒԹ
«Աէրոֆլոտն» առաջին անգամ իր ինքնաթիռը վերանորոգման համար Իրան կուղարկի
Քաղաքականություն
10.04.2023 | 21:53
Ռուսական «Աերոֆլոտ» ավիաընկերությունն առաջին անգամ Իրան է ուղարկել իր ինքնաթիռները վերանորոգման և սպասարկման համար։ Ինչպես հայտնում է ՌԲԿ-ն, որոշվել է Իրան ուղարկել Airbus A330-300 լայնաֆլյուզելաժային ինքնաթիռը, որտեղ դրա վերանորոգմամբ զբաղվելու են իրանական Mahan Air ավիաընկերության աշխատակիցները, որոնք զբաղվելու են ինքնաիթիռի շասիի սպասարկմամբ, հայտնում են ՌԲԿ-ի աղբյուրները։
«Աերոֆլոտ» -ը նշում է, որ Mahan Air-ն ունի անհրաժեշտ հավաստագրեր և նյութական բազա՝ Airbus A330-300 ինքնաթիռի սպասարկումն իրականացնելու համար։ Ռուսական ավիաընկերությունը վստահ է, որ իրանական ընկերությունը «բարձր որակի սպասարկում կկատարի»։
Նախկինում «Աերոֆլոտ»-ը նման նպատակների համար օգտագործում էր այլ ընկերությունների հնարավորությունները, մասնավորապես՝ Հոնկոնգում գործող HAECO-ն: Սակայն արևմտյան պատժամիջոցների պատճառով նախկին գործընկերների մեծ մասի հետ շարունակական համագործակցությունն անհնարին է դարձել։
Տաթև Ֆռանգյան
