13.01.2025 | 20:47
Սիրիայի նոր իշխանությունները թույլատրել են արտասահմանյան ապրանքներ ներմուծել
Ալիևը Տոկաևին հրավիրել է այցելել Արցախի գրավյալ տարածքներ
10.04.2023 | 19:23
Աստանայում այսօր տեղի են ունեցել Ղազախստանի նախագահ Կասիմ Ժոմարտ Տոկաևի ու Ադրբեջանի նախագահ Իլհամ Ալիևի բանակցությունները։ Ընդլայնված կազմով բանակցությունների ընթացքում Տոկաևը հայտնել է, որ Ալիևի հետ այսօր բացելու են Հեյդար Ալիևի անունը կրող փողոց, գրում են ադրբեջանական լրատվամիջոցները։
Ըստ Տոկաևի՝ «երկու երկրների անկեղծ բարեկամության և փոխադարձ աջակցության ևս մեկ վառ ապացույցը ղազախ ժողովրդի նվերն է Ադրբեջանին՝ Մանկական արվեստի կենտրոնի կառուցումը Վարանդա քաղաքում»։
«Ինձ տեղեկացրին, որ այս օբյեկտի շինարարությունն իրականացվում է բավականին արագ տեմպերով։ Կարծում եմ, որ շատ մոտ ապագայում մենք կկարողանանք տեսնել այս կարևոր կառույցի գործունեության սկիզբը»,-ասել է Ղազախստանի նախագահը։ Ալիևն էլ իր հերթին Տոկաւին հրավիրել է կենտրոնի բացմանը։
«Ուզում եմ ևս մեկ անգամ իմ և Ադրբեջանի ողջ ժողովրդի անունից երախտագիտություն հայտնել Հեյդար Ալիևի հիշատակին հարգանքի տուրք մատուցելու, Ղազախստանի մայրաքաղաքի կենտրոնական փողոցներից մեկի անվանակոչության համար։ Ցանկանում եմ նաև իմ երախտագիտությունը հայտնել ձեր անձնական որոշման համար՝ «ազատագրված Ղարաբաղում» Կուրմանգազիի անվան մանկական ստեղծագործական կենտրոն կառուցելու։ Շինարարությունն իրականում արդեն շատ ակտիվ է ընթանում և, օգտվելով այս հնարավորությունից, ցանկանում եմ ձեզ հրավիրել այս կենտրոնի բացմանը»,- ասել է Ադրբեջանի նախագահը։
Էմմա Չոբանյան
