08.10.2026 | 12:45
Ոչ ոք չգիտի` որտեղ են այդ մարդիկ. պետք է Ադրբեջանի հետ համագործակցենք. Փաշինյանը` անհետ կորածների մասին․ ՏԵՍԱՆՅՈՒԹ
ՌԴ-ն պետք է երաշխավորի, որ ագրեսիայի դեպքում կպաշտպանի Բելառուսը․ Լուկաշենկոն՝ Շոյգուին
Քաղաքականություն
10.04.2023 | 16:09
Ռուսաստանը պետք է երաշխավորի, որ արտաքին ագրեսիայի դեպքում կպաշտպանի Բելառուսը, որպես սեփական տարածք։ Այս մասին հայտարարել է Բելառուսի նախագահ Ալեքսանդր Լուկաշենկոն Մինսկում ՌԴ պաշտպանության նախարար Սերգեյ Շոյգուի հետ հանդիպմանը, գրում է Ռիա Նովոստին։
«Դա հնչել է Բելառուսի ու Ռուսաստանի նախագահների բանակցություններում, այնպես որ Բելառուսի դեմ ագրեսիայի դեպքում ՌԴ-ն պաշտպանում է Բելառուսը, որպես սեփական տարածք։ Մեզ անվտանգության նման երաշխիքներ են պետք»,-ասել է Լուկաշենկոն։ Նա պարզաբանել է, որ այդ թեման բարձրացրել է Վլադիմիր Պուտինի հետ բանակցություններում։
«Նա ինձ լիովին աջակցել է բոլոր ուղղություններում։ Եվ ասում է, որ մեզ պետք վերանայել մեր բոլոր պայմանագրերն ու համաձայնագրերը, տեսնենք, թե ինչ միջազգային բնույթի միջպետական որմատիվ իրավական ակտ պետք էհիմա ընդունել՝ ապահովելու Բելառուսի ամբողջական անվտանգությունը»,-ասել է Լուկաշենկոն։
Հավելենք, որ նախորդ շաբաթ Բելառուսի նախագահը աշխատանքային այցով ՌԴ-ում էր, որի շրջանակներում հանդիպել էր նախագահ Վլադիմիր Պուտինին։
Էմմա Չոբանյան
