16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՉԺՀ 70 ինքնաթիռներ ու 11 նավեր մոտեցել են Թայվանին
Քաղաքականություն
10.04.2023 | 19:54
Չինական կործանիչներն ու ռմբակոծիչները Թայվանի շրջանում են, գրում է Euronews-ը։ Ավելի վաղ հայտնի է դարձել, որ Թայվանի նեղուցում լայնածաված զորավարժությունների երրորդ օրը կկայանան մարտական կրակով վարժանքներ։ Չինաստանում հայտարարել են, որ մոբիլիզացրել են H-6K կործանիչների մի քանի խմբեր՝ Թայվանի կարևոր թիրախներին «հարվածները իմիտացնելու համար»: Զորավարժություններին մասնակցել է նաև «Շանդուն» ավիակիրը։ Թայվանում գրանցել են ընդհանուր հաշվով 70 ինքնաթիռների ու 11 նավերի մոտեցում։
ԱՄՆ ռազմածովային ուժերը հայտնել են, որ USS Milius կործանիչն իրականացրել է «ազատ նավարկության օպերացիա» Հարավչինական ծովում։ Գործակալության տվյալներով ինքնաթիռն անցել է Սպրատլի կղզիների մոտով, որոնց հավակնում են միանգամից մի քանի պետություններ։ Պեկինը դատապարտել է ամերիկյան կործանիչի «ներխուժումը»։
Չինաստանի իշխանությունները կտրուկ են արձագանքում Թայվանի վարչակազմի կողմից սեփական արտաքին քաղաքականություն վարելու ցանկացած փորձին։ Նախագահ Ցայ Ինգ Վենի և ԱՄՆ Ներկայացուցիչների պալատի նախագահ Քևին Մաքքարթիի հանդիպումը Լոս Անջելեսում հանգեցրել է ներկայիս սրմանը։
Տաթև Ֆռանգյան
