19.03.2026 | 20:00
Թմրամիջոցներն առավել հասանելի են դարձել դեռահասներին. ինչո՞ւ է ուշանում կանխարգելումը․ ՔՆՆԱՐԿՈՒՄ
Պենտագոնը ստուգում է արտահոսած գաղտնի փաստաթղթերի իսկությունը
Քաղաքականություն
10.04.2023 | 11:33
ԱՄՆ պաշտպանության նախարարությունը դեռ ստուգում է համացանցում հրապարակված գաղտնի ռազմական փաստաթղթերի իսկությունը և փորձում է գնահատել, թե լայնածավալ արտահոսքը ինչպես կարող է ազդել ազգային անվտանգության վրա, գրում է BBC-ի ռուսական ծառայությունը։
«Պաշտպանության նախարարությունը շարունակում է հետաքննել և ստուգել լուսանկարված փաստաթղթերի իսկությունը, որոնք շրջանառվում են սոցիալական ցանցերում, որոնք, ըստ երևույթին, գաղտնի և խիստ զգայուն տեղեկատվություն են պարունակում», – ասել է Պենտագոնի մամուլի քարտուղարի տեղակալ Սաբրինա Սինգհը։ Նրա խոսքով՝ ԱՄՆ արդարադատության նախարարությունը հետաքննում է ենթադրյալ արտահոսքը։
«Կազմակերպվել է միջգերատեսչական աշխատանք՝ գնահատելու այն ազդեցությունը, որն այս լուսանկարված փաստաթղթերը կարող են ունենալ ԱՄՆ ազգային անվտանգության, ինչպես նաև մեր դաշնակիցների և գործընկերների վրա», – ասել է Սինգհը:
Նախկինում Պենտագոնի անանուն ներկայացուցիչները խոստովանել էին, որ համացանցում հայտնված փաստաթղթերը, որոնք վերաբերում են Ուկրաինայի, ինչպես նաև Մերձավոր Արևելքի և Չինաստանի պատերազմին, կարող են իրական լինել։
Տաթև Ֆռանգյան
