02.03.2025 | 13:34
Ինչ-որ մեկը սպասում էր, որ ես կքննադատեմ Զելենսկիին․ դա այն չէ, ինչ հիմա պետք է երկրին․ Պորոշենկո
«Ֆաստ կրեդիտ կապիտալ» ՈՒՎԿ ՓԲԸ-ի մասնաճյուղում տեղի ունեցած զինված ավազակային հարձակման գործով մեկ անձ ձերբակալվել է
Հասարակություն
25.06.2018 | 18:16
«Ֆաստ կրեդիտ կապիտալ» ՈՒՎԿ ՓԲԸ-ի Ավան մասնաճյուղում տեղի ունեցած ավազակային հարձակման դեպքի առթիվ ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնում քննվող քրեական գործով ձեռնարկված անհրաժեշտ քննչական և օպերատիվ-որոնողական միջոցառումների արդյունքում պարզվել է ենթադրյալ հանցագործություն կատարած անձի ինքնությունը. վերջինս ձերբակալվել է. տեղեկացնում է ՀՀ ՔԿ-ն:
Ավազակային հարձակումը տեղի է ունեցել 2018 թվականի ապրիլի 2-ին՝ ժամը 21:30-ի սահմաններում. դիմակավորված անձը, զենքի նմանվող առարկաներով՝ ատրճանակով և նռնակով զինված, մուտք է գործել Երևան քաղաքի Խուդյակով փողոցում գործող «Ֆաստ կրեդիտ կապիտալ» ՈՒՎԿ ՓԲԸ-ի գրասենյակ և հաճախորդի ու աշխատակիցների կյանքի համար վտանգավոր բռնություն գործադրելու սպառնալիքով պահանջել գումար։ Նախնական տվյալներով՝ ենթադրյալ հանցագործություն կատարած անձը աշխատակցից վերցրել է առանձնապես խոշոր չափերի՝ շուրջ 6.341.000. ՀՀ դրամ գումար և դիմել փախուստի։
Դեպքի առթիվ ՀՀ ՔԿ ԵՔՔՎ Ավան և Նոր Նորք վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 175-րդ հոդվածի 3-րդ մասի 1-ին կետի և 235-րդ հոդվածի 1-ին մասի հատկանիշներով և ձեռնարկվել անհրաժեշտ քննչական և օպերատիվ-որոնողական միջոցառումներ՝ ենթադրյալ հանցագործություն կատարած անձի ինքնությունը և դեպքի բոլոր հանգամանքները պարզելու ուղղությամբ:
Հարցաքննվել են մի շարք անձինք, նշանակվել դատագենետիկական, դատաբժշկական փորձաքննություններ:
Արդյունքում՝ փաստական տվյալներ են ձեռք բերվել՝ ենթադրյալ հանցագործություն կատարած անձի ինքնության վերաբերյալ, ով հանդիսանում է Կոտայքի մարզի բնակիչ՝ ծնված 1989թ.: Վերջինս հունիսի 24-ին ձերբակալվել է: Կասկածյալը հարցաքննվել է և ցուցմունք տվել դեպքի շուրջ, նրա մասնակցությամբ կատարվել է քննչական փորձարարություն։
Նախաքննությունը շարունակվում է, միջոցներ են ձեռնարկվում՝ դեպքի հանգամանքների օբյեկտիվ, լրիվ և բազմակողմանի քննությունն ապահովելու ուղղությամբ:
