25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Սպիտակ տունը Թրամփին է մեղադրել Աֆղանստանից զորքերի քաոսային դուրսբերման համար
Քաղաքականություն
07.04.2023 | 20:54
ԱՄՆ նախագահ Ջո Բայդենի վարչակազմը 2021 թվականին Աֆղանստանից զորքերի քաոսային դուրսբերման համար, որն ուղեկցվել էր մարդկային կորուստներով, մեղադրել է նախկին նախագահ Դոնալդ Թրամփին, գրում է VOA-ն։
Սպիտակ տունը հրապարակել է 12 էջանոց վերլուծություն, որտեղ ոչ մի պատասխանատվություն չի ստանձնել որևէ գործողության համար՝ նշելով, որ Ջո Բայդենը «խիստ կաշկանդված է» եղել Թրամփի կայացրած որոշումներով:
Փաստաթղթում նշվում է, որ ամերիկացիների ու դաշնակիցների տարհանումն Աֆղանստանից պետք էր սկսել ավելի վաղ, սակայն դրա ձգձգման մեղավոր է նշվում Աֆղանստանի զինված ուժերին և կառավարությանը, ինչպես նաև ամերիկացի զինվորականներին ու հետախուզական տեղեկությունների գնահատականները։
Կարճ փաստաթուղթը պատրաստվել է Ազգային անվտանգության խորհրդի, այլ ոչ անկախ մարմնի կողմից։
Տաթև Ֆռանգյան
