16.01.2026 | 16:16
Պուտինը Իրանի շուրջ ստեղծված իրավիճակը քննարկել է Փեզեշքիանի և Նեթանյահուի հետ
Լավրովը նշել է Ուկրաինայի հարցով բանակցությունների պայմանը
Քաղաքականություն
07.04.2023 | 17:10
Ուկրաինայում խաղաղության հասնելու համար բանակցություններ կարող են տարվել՝ միայն հաշվի առնելով, թե «ինչ սկզբունքների վրա է հիմնվելու նոր աշխարհակարգը»։ DW-ի ռուսական ծառայության փոխանցմամբ՝ այս մասին հայտարարել է ՌԴ ԱԳ նախարար Սերգեյ Լավրովը Անկարայում իր թուրք գործընկեր Մևլութ Չավուշօղլուի հետ բանակցություններից հետո կայացած մամուլի ասուլիսում։
«Այդ բանակցությունները կարող են հիմնված լինել միայն ՌԴ օրինական մտահոգությունների վրա»,- ասել է Լավրովը։
Պատասխանելով հարցին՝ արդյո՞ք նախատեսված է նրա հանդիպումը ԱՄՆ պետքարտուղար Էնթոնի Բլինքենի հետ ապրիլի վերջին Նյու Յորք կատարելիք այցի ժամանակ, Լավրովն ասել է, որ Ռուսաստանը երբեք չի մերժում երկխոսության «լուրջ առաջարկները»:
Ավելի վաղ՝ ապրիլի 2-ին, Բլինքենը Լավրովի հետ հեռախոսազրույցում կոչ էր արել ազատ արձակել The Wall Street Journal-ի լրագրող Էվան Գերշկովիչին և «անարդարացիորեն կալանավորված ԱՄՆ քաղաքացի Փոլ Ուելանին»։
Տաթև Ֆռանգյան
