04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
Ռուսները ռազմի դաշտում իրական պլաններ կտեսնեն․ Պոդոլյակը՝ ուկրաինական հակահարձակման ծրագրերի արտահոսքի մասին
Քաղաքականություն
07.04.2023 | 17:48
Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը «ֆոտոշոփ» և «կեղծ արտահոսք» է անվանել ուկրաինական հակահարձակումը նախապատրաստելու՝ ԱՄՆ-ի և ՆԱՏՕ-ի ծրագրերի արտահոսքը, գրում է BBC-ի ռուսական ծառայությունը։
«Մոսկվան շատ է ցանկանում խափանել ուկրաինական հակահարձակումը: Բայց ռուսները ռազմի դաշտում իրական պլաններ կտեսնեն: Շուտով»,- գրել է նա:
Նախօրեին NYT-ը, վկայակոչելով Ջո Բայդենի վարչակազմի անանուն աղբյուրներին, հայտնել էր, որ ուկրաինական հարձակման նախապատրաստման վերաբերյալ Պենտագոնի և ՆԱՏՕ-ի գաղտնի փաստաթղթերի նկարները հայտնվում են Twitter-ում և Telegram-ում, և որ դրանք մասամբ փոփոխված են, բայց մասամբ իրական են երևում:
Փաստաթղթերում չի նշվում առաջիկա հարձակման ամսաթիվն ու վայրը։ Բայց դրանք պարունակում են տեղեկություններ այն մասին, թե քանի բրիգադ է նախատեսում նախապատրաստել Ուկրաինան հարձակմանը և որքան տեխնիկա կստանա դրա համար: Դրանք նաև տեղեկություններ են պարունակում, թե որքան է HIMARS-ի զինամթերքի ամենօրյա սպառումը:
Տաթև Ֆռանգյան
