07.10.2026 | 23:48
Արթուր Դանիելյանը կալանավորվեց
«Եթե միանանք, ապա միայն Մայր Հայաստանին»․ Արցախի կանանց ակցիան Շոշ-Շուշի արգելափակված ճամփաբաժանին
07.04.2023 | 15:00
Այսօր արցախցի մի խումբ կանայք խաղաղ ակցիա են իրականացրել հանուն Արցախի հայակականության պահպանման, ինչպես նաև՝ ի նշան բողոքի ադրբեջանական ագրեսիայի և Լաչինի միջանցքի գրեթե չորս ամսվա արգելափակման դեմ։ Ստեփանակերտի Եղբայրական հուշահամալիրից նրանք հասել են մինչև Շոշ-Շուշի ճամփաբաժան, որը արգելափակված է ադրբեջանցիների կողմից։
«Մենք ուզում ենք կանխել մեր հանդեպ բոլոր անարդարությունները և վերականգնել մեր իրավունքները։ Ուզում ենք դիմել աշխարհին կոչով, խուլ աշխարհին, որպեսզի զսպի ադրբեջանի ագրեսիան մեր հանդեպ»,- ֆեյսբուքյան ուղիղ եթերում ասաց ակցիայի կազմակերպիչներից Անի Հովհաննիսյանը։
Ակցիայի մասնակիցները հայերենով, ռուսերենով և անգլերենով վանկարկում էին՝ «Ադրբեջանը խլել է մեր ազատ տեղաշարժվելու իրավունքը», «30 հազար երեխա անտարբերության է մատնված», «Բացե՛ք Լաչինի միջանցքը», «Արցախի հայկականությունն այլընտրանք չունի», «Եթե միանանք, ապա՝ միայն Մայր Հայաստանին»։
Ակցիայի մասնակիցների ձեռքին կային նաև պաստառներ, որոնց վրա գրված էին «Մենք չե՛նք հանձնվում», «Ապահովե՛ք մեր կյանքի իրավունքը. «Վերադարձրե՛ք ինձ իմ կրթության իրավունքը», «Կանգնեցրե՛ք չարը», «Չե՛նք հանձնվում» «Արցախի ինքնորոշումը միակ այլընտրանքն է»:
