20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Էլինե և Ջեմմա․ վրձինն ու լարը՝ կնոջ մատների տակ․ ՏԵՍԱՆՅՈՒԹ
Հասարակություն
07.04.2023 | 18:32
Վառ գույները Էլինեի ներկապնակից անպակաս են: Լուսավոր արվեստանոցում նրա վրձինը մի քանի պրպտումից հետո անմիջապես գտնում է իր հերոսներին, իսկ նրանք մեծ մասամբ կանայք են: Էլինեն բնորդուհիների չէ, որ նկարում է. կանանց այդ կերպարները թափառում են նրա մտքերում:
Առաջին մասնագիտությամբ լրագրող Էլինեն ոգեշնչման շատ աղբյուրներ ունի: Բայց կին նկարիչները` նրանց կյանքը, ապրած դժվարությունների արտացոլումը կտավներում նրան առանձնակի են հետաքրքրում: Այդ առումով Ֆրիդա Կալոն է առանձնահատուկ: Էլինեին ոգեշնչում է նրա կամք ուժը, մասնավորապես, այն, որ ծանր ավտովթարից հետո Կալոն շարունակում էր ստեղծագործել. թեպետ չէր կարող շարժվել, հայելու միջոցով անում էր ինքնանկարներ:
Եթե մանուկ տարիքում կամ դեռահասության շրջանում Ջեմմայի հասակակիցներից շատերը նախապատվությունը տալիս էին, օրինակ, դաշնամուրին՝ պատճառաբանելով, որ թավջութակը ծանր է, Ջեմման հավատարիմ մնաց հարազատ հնչյուններին: Ասում է` արվեստը զոհեր է պահանջում: Կամերային երաժշտության տունը երկրորդ տուն է դարձել երաժշտի համար: Արվեստը նրա համար երբեք էլ աշխատանքի չի վերածվել, մնացել է որպես կենսակերպ: Հիմա արդեն Ջեմման ինքն է դասավանդում երաժշտական դպրոցում և ոգեշնչում շատ երեխաների:
Մանրամասները՝ տեսանյութում։
Աննա Բաբաջանյան
