27.06.2026 | 11:42
Ուկրաինան հրթիռային հարված է հասցրել «Օրեշնիկ» արտադրող գործարանին
Հռոմի պապը կոչ է արել Զատկի տոնին Ուկրաինայում զինադադար հաստատել
Քաղաքականություն
07.04.2023 | 15:07
Հռոմի Ֆրանցիսկոս պապը կոչ է արել երկշաբաթյա զինադադար հաստատել ապրիլի 9-ից մինչև ապրիլի 22-ը՝ այն ժամանակ, երբ կաթոլիկները և ուղղափառները նշում են Հարության տոնը՝ Սուրբ Զատիկը։ Այս մասին ՌԻԱ Նովոստիին ասել է Հնահավատների համաշխարհային միության (ՀՀՄ) նախագահ Լեոնիդ Սևաստյանովը։
«Հաջորդ շաբաթ կաթոլիկների Զատիկն է, իսկ մեկ շաբաթ անց՝ ուղղափառների Զատիկը: Հռոմի Պապ Ֆրանցիսկոսն առաջարկում է Զատկի ժամանակ երկու շաբաթով Ուկրաինայում դադարեցնել բոլոր ռազմական գործողությունները: Սա միավորող խորհրդանիշ է՝ մեկ Զատիկը հաջորդում է մյուսին»,- ասել է նա։
Հավելենք, որ 2023 թվականին կաթոլիկները Սուրբ Զատիկը նշում են ապրիլի 9-ին, ուղղափառ քրիստոնյաները տոնը կնշեն ապրիլի 16-ին։
Տաթև Ֆռանգյան
