13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
ՆԱՏՕ-ն սպառել է իր պաշարներն ու ավելացնում է ռազմական արտադրությունը․ Ստոլտենբերգ
Քաղաքականություն
07.04.2023 | 13:27
ՆԱՏՕ-ի երկրները «մեծացնում են» ռազմական արտադրանքի արտադրության ծավալները, որպեսզի արևմտյան դաշինքը կարողանա շարունակել աջակցել Ուկրաինային ռուսական լայնամասշտաբ ներխուժման դեմ պայքարում։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, գրում է VOA-ն։
«ՆԱՏՕ-ի առջև ծառացած հիմնական մարտահրավերը կայանում է նրանում, որ այս պատերազմը վերածվել է հյուծման պատերազմի, իսկ դա նշանակում է թիկունքայինների մարտ՝ ռազմամթերք, զենք և այլ պաշարներ առաջնագիծ բերելու համար» – ասել է նա:
Ելույթ ունենալով Բրյուսելում ՆԱՏՕ-ի շտաբ-բնակարանում՝ Ստոլտենբերգն ասել է, որ պատերազմի սկզբում՝ 2022 թվականի փետրվարին, ՆԱՏՕ-ի երկրները «սպառել են իրենց սեփական պաշարները»։
«Այնպես որ՝ այժմ մենք քրտնաջան աշխատում ենք արտադրությունն ավելացնելու համար, որպեսզի կարողանանք շարունակել աջակցել Ուկրաինային, քանի որ դա չափազանց կարևոր է»,- ասել է ՆԱՏՕ-ի ղեկավարը։
Տաթև Ֆռանգյան
