25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Բախմուտում ուկրաինական ԶՈւ մատակարարման հիմնական ուղին վտանգի տակ է․ բրիտանական հետախուզություն
Քաղաքականություն
07.04.2023 | 12:34
Բրիտանական հետախուզության վերջին զեկույցը նվիրված է Բախմուտի համար մղվող ճակատամարտին։ Դրանում ասվում է, որ վերջին օրերին ռուսական զորքերը մեծ թափ են հավաքել քաղաքի համար մղվող մարտերում, թեև 2023 թվականի մարտի վերջից նրանց առաջխաղացումը հիմնականում կանգ էր առել, փոխանցում է BBC-ի ռուսական ծառայոթւյունը։
Բրիտանական հետախուզությունը կարծում է, որ ռուս զինվորականները, ամենայն հավանականությամբ, տեղափոխվել են քաղաքի կենտրոն և գրավել Բախմուտկա գետի արևմտյան ափը: Քաղաքից արևմուտք գտնվող ուկրաինական ուժերի համար մատակարարման հիմնական երթուղին, ամենայն հավանականությամբ, լուրջ վտանգի տակ է գտնվում, ասվում է հաղորդագրության մեջ:
Բրիտանական հետախուզությունը ռուս զինվորականների առաջխաղացումը բացատրում է նրանով, որ «Վագներ» ռազմականացված խմբավորումն և ՌԴ ՊՆ-ն կարող էին վերջ դնել հակասություններին և բարելավել համագործակցությունը։
