27.10.2026 | 00:08
Վարդան Մինասյանն աշխատանքի է անցել Լիբանանում
Ահազանգող թվեր․ ամուսնալուծություններն աճել են, ծնելիությունը՝ նվազել․ ՏԵՍԱՆՅՈւԹ
Հասարակություն
06.04.2023 | 21:11
2022 թվականին ամուսնությունները նվազել են, ամուսնալուծությունները՝ ավելացել․ տեղեկանում ենք Վիճակագրական կոմիտեի հրապարակած տվյալներից։
Այսպես՝
2022 թվականին 16 հազար 795 ամուսնություն է գրանցվել, որը 2021 թվականի համեմատ պակաս է 370-ով կամ 2,2 %-ով։
Ամուսնալուծությունները 2021-ի համեմատ աճել են շուրջ 2,1 %-ով կամ 91-ով։
2022 թվականին գրանցվել է 4525 ամուսնալուծություն, 2021-ին՝ 4434։ Ամենաշատ ամուսնալուծությունները գրանցվել են Երևանում, բայց նախորդ տարվա համեմատ՝ ամուսնալուծություններն ամենաշատն աճել են Սյունիքի մարզում՝ շուրջ 44 տոկոսով, Վայոց ձորում՝ 38 %-ով, իսկ Երևանում՝ շուրջ 10 %-ով։
Նվազել է նաև ծնելիությունը․ 2022 թվականին ծնվել է 36 հազար 353 երեխա, ինչը 270-ով պակաս է նախորդ տարվան ցուցանիշից։
Նվազել է ծնված աղջիկների թիվը։ Այսպես՝ 2022 թվականին ծնվել է 19 հազար 195 տղա, 17 հազար 158 աղջիկ։ Ծնված տղաների թիվը նախորդ տարվա համեմատ ավելացել է 138-ով, իսկ աղջիկների թիվը նվազել է 408-ով։
Ընդհանուր առմամբ, 2022թ. հունվար-դեկտեմբերին սեռերի հարաբերակցության գործակիցը կազմել է 111.9 տղա՝ 100 աղջկա հաշվով: Նախորդ տարի հարաբերակցությունը եղել է 108.8 տղա՝ 100 աղջկա հաշվով:
Մանրամասները՝ տեսանյութում։
Անժելա Պողոսյան
