16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Լիբանանի տարածքից Իսրայելը զանգվածային հրթիռակոծության է ենթարկվել
Քաղաքականություն
06.04.2023 | 18:27
Լիբանանի տարածքից հրթիռներ են արձակվել Իսրայելի հյուսիսի ուղղությամբ։ Այս մասին գրում է Axios-ը։
Նշվում է, որ սա ամենալուրջ էսկալացիան է երկու երկրների միջև 2006 թվականի պատերազմից ի վեր։
Էսկալացիան տեղի է ունենում Երուսաղեմի Ալ-Աքսա մզկիթում իսրայելական ոստիկանության և պաղեստինցի հավատացյալների միջև բռնության սրացումից մեկ օր անց: Հրթիռային հարձակումը տեղի է ունեցել այն ժամանակ, երբ տասնյակ հազարավոր իսրայելցիներ Իսրայելի հյուսիսում նշում էին Պասեքը (հրեական Զատիկը)։
Հրթիռներն արձակվել են տեղական ժամանակով 15:00-ի սահմաններում: Իսրայելի ՊՆ պաշտոնյայի տեղեկացմամբ՝ արձակվել է 25-30 հրթիռ, մեծ մասը որսացել են Երկաթե գմբեթ համակարգի միջոցով։
Որևէ խմբավորում դեռևս չի ստանձնել հրթիռակոծման պատասխանատվությունը։
Իսրայելի վարչապետ Բենիամին Նեթանյահուն այսօր երեկոյան գումարելու է Անվտանգության խորհրդի նիստ՝ քննարկելու Երուսաղեմում, Գազայում և Լիբանանում իրավիճակի սրումը։
Էմմա Չոբանյան
