15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Բրյանսկի նահանգապետը հայտարարել է «ուկրաինացի դիվերսանտների»՝ տարածաշրջան մտնելու փորձի մասին
Քաղաքականություն
06.04.2023 | 18:47
Ռուսական Բրյանսկի շրջանի նահանգապետ Ալեքսանդր Բոգոմազը հայտարարել է, որ կասեցվել է «ուկրաինացի դիվերսանտների»՝ տարածաշրջան ներթափանցման փորձը, գրում է BBC-ի ռուսական ծառայությունը։
«Այսօր ՌԴ Բրյանսկի մարզի Անվտանգության դաշնային ծառայության սահմանապահ վարչությունը կանխել է ՌԴ տարածք 20 հոգուց բաղկացած ուկրաինացի դիվերսանտների ներթափանցման փորձը Պոգարսկի շրջանի Սլուչովսկ գյուղի շրջանում։ Ռուսաստանի Դաշնության զինված ուժերի ստորաբաժանումները, սահմանապահ զորքերի ստորաբաժանումների հետ միասին, կրակային պարտության են մատնել հակառակորդին»,- գրել է նա իր տելեգրամյան ալիքում։
Նշվում է, որ ո՛չ ԱԴԾ-ն, ո՛չ ՊՆ-ն չեն մեկնաբանել այս տեղեկությունը:
Նախօրեին հաղորդվել էր, որ Ուկրաինային սահմանակից Բրյանսկի շրջանում ուկրաինական թեթև ինքնաթիռ է կործանվել, օդաչուն կալանավորվել է։
Մարտի 2-ին ռուսական իշխանությունները հաղորդել էին Բրյանսկի մարզում «դիվերսիայի» մասին, որի հետևանքով երկու տղամարդ է սպանվել։ Կրեմլը սա ահաբեկչություն է անվանել և Ուկրաինայի իշխանություններին մեղադրել դրա նախապատրաստման մեջ։
Կիևը հերքում է իր առնչությունը հարձակմանը:
Տաթև Ֆռանգյան
