23.11.2024 | 18:09
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
«Լոբի, բրինձ» տրամաբանությամբ բարեգործությունն ընդհանրապես դադարեցնել. Փաշինյանի հանձնարարականը․ ՏԵՍԱՆՅՈՒԹ
Տնտեսություն
06.04.2023 | 12:30
«Պետք է դադարեցնել «ավանդական» բարեգործության պրակտիկան»,- այս մասին Կառավարության այսօրվա նիստի ընթացքում նշեց վարչապետ Նիկոլ Փաշինյանը՝ անդրադառնալով նաև պետական հիմնարկներին տրվող բարեգործություններին։
«ՀՀ-ն ի վիճակի է և աթոռ, հեռուստացույց գնել և այլն։ Մյուս կողմից՝ կան մարդիկ, որոնք ուզում են ներգրավված լինել բարեգործության մեջ։ Այստեղ պետք է բովանդակային փոփոխություն անենք․ բոլոր բարեգործական ծրագրերը պետք է տեղավորվեն Կառավարության ռազմավարությունների շրջանակում»,- նշեց վարչապետը։
«Արգելում եմ որևէ հիմնարկություն որևէ բարեգործություն ընդունի… Էդ բրինձ-լոբի տրամաբանությունը դադարեցրեք ընդհանրապես։ Ով ուզում է անել բարեգործություն, թող դիմի նախարարություն, և նախարարությունը կասի՝ որտեղ կարող են ֆինանսներն ուղղել։
Որևէ պետական հիմնարկում չտեսնեմ, որ մեկը լոբի է տվել, մեկը բրինձ է տվել, մեկն էլ Լեոնարդո դա Վինչիի օրիգինալ նկարը բերել, ուսուցչանոցում կախել է»,- ասաց Փաշինյանը՝ զգուշացելով, որ այն ՊՈԱԿ-ների ղեկավարները, որոնք այս հանձնարարականից դուրս կգան, նրանց նկատմամբ խիստ և անհետաձգելի միջոցներ կձեռնարկվեն։
Մանրամասները՝ տեսանյութում։
