08.10.2026 | 15:01
Հայտնի է ազատ ոճի ըմբշամարտի Հայաստանի հավաքականի կազմն ԱԱ-ում
Չինական ավիակիրն առաջին անգամ լքել է Հարավչինական ծովը և շարժվում է դեպի Թայվան
Քաղաքականություն
06.04.2023 | 13:52
Չինաստանի Ժողովրդական ազատագրական բանակի ռազմածովային ուժերի «Շանդուն» ավիակիրն առաջին անգամ լքել է Հարավչինական ծովը և շարժվում է դեպի Թայվան։ Ներկայում այն կղզուց 370 կմ հարավ-արևելք է, հայտնում է EADaily-ն։
Աղբյուրը մեջբերում է Թայվանի Պաշտպանության դեպարտամենտի ղեկավար Ցյու Գուոժենի խոսքերը, որը հայտնել է, որ ՉԺՀ Զինված ուժերի նավատորմի ավիակիրը նախօրեին անցել է Լուզոնի նեղուցով, որը կապում է Հարավչինական ծովը Խաղաղ օվկիանոսի հետ, և ներկայում գտնվում է Էլուանբի հրվանդանից 200 ծովային մղոն դեպի արևելք (կղզու ամենահարավային կետը):
«Առաջին անգամ է, որ ավիակիրը լքել է Հարավչինական ծովը։ Թայվանի զինվորականները ենթադրում են, որ սա կարող է լինել զորավարժությունների մի մաս, սակայն իրավիճակի զգայունության պատճառով պաշտպանական գերատեսչությունը շարունակում է պարզել ավիակրի անձնակազմի մտադրությունները»,- ասել է թայվանցի զինվորականը։
Սրա հետ մեկտեղ, Ցյու Գոուժեն նշել է, որ թայվանցի զինվորականները դեռևս տեղեկություն չունեն՝ արդյո՞ք «Շանդուն»-ից տախտակամածային ավիացիա թռչում է։
Տաթև Ֆռանգյան
