24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ՌԴ-ն սկսել է Աբխազիայով բեռներ մատակարարել Թուրքիա
Քաղաքականություն
06.04.2023 | 14:50
Ռուսաստանը սկսել է Աբխազիայի տարածքով Թուրքիա բեռներ մատակարարել, գրում է վրացական Sova News պորտալը։
Տարանցման փաստը հաստատել է Աբխազիայի պետական մաքսային կոմիտեի նախագահի առաջին տեղակալ Ալիաս Լաբախուան։
«Վերջերս մեզ մոտ գնացք է եկել, որում կար 62 կոնտեյներ։ Դա Ռուսաստանից Թուրքիա ապրանքների տարանցման համար էր։ Գնացքն անցել է առանց ուշացման, մաքսային ծառայության կողմից ուշացումներ չեն եղել։ Սա առաջին գնացքը չէ, այլ տարանցումներ էլ են եղել, բայց փոքր խմբաքանակներով։ Երթուղին ստուգվել է, մոնիթորինգ է իրականացվել»,- ասել է նա։
Լաբախուան նաև հավելել է, որ հակառակ ուղղությամբ գնացքն ուղևորվելու է Ռուսաստանի համար բեռներով։
Նշվում է, որ անցած շաբաթ առաջին անգամ Աբխազիա է ժամանել կոնտեյներային գնացք՝ 62 կոնտեյներով և 2700 տոննա բեռով։ Շարժակազմն ընդունվել է Սուխումի երկաթուղային կայարանում։ Սուխումից Թուրքիա բեռներ ուղարկելու համար օգտագործվել է Anatolian նավը։
Էմմա Չոբանյան
