27.06.2026 | 11:42
Ուկրաինան հրթիռային հարված է հասցրել «Օրեշնիկ» արտադրող գործարանին
Իրանն ու Սաուդյան Արաբիան Պեկինում հաստատել են դիվանագիտական հարաբերությունները վերականգնելու իրենց մտադրությունը
Քաղաքականություն
06.04.2023 | 11:41
Սաուդյան Արաբիայի ու Իրանի ԱԳՆ ղեկավաներ Ֆեյսալ բեն Ֆարհան և Մոհամմադ Ամիր Աբդոլահիանը հինգշաբթի Պեկինում ստորագրված համատեղ հայտարարությունում հաստատել են դիվանագիտական հարաբերությունները վերականգնելու ու երկու երկրներում դիվանագիտական ներկայացուցչություններ բացելու մտադրությունը, հայտնում է ՌԻԱ Նովոստին՝ վկայակոչելով սաուդյան ԶԼՄ-ներին։
Դեսպանությունները փակվել էին 7 տարի առաջ։
Տեղեկացվում է, որ Էր-Ռիադի և Թեհրանի միջև համաձայնագրի կետերում կա դրույթ, որը հաստատում է մարտի 10-ին ձեռք բերված պայմանավորվածությունները՝ վերականգնել դիվանագիտական հարաբերությունները երկու երկրների միջև և սկսել դիվանագիտական ներկայացուցչությունների բացման նախապատրաստումը։
Բացի այդ, համատեղ հայտարարության մեջ ընդգծվում է «բարիդրացիության ոգուն հետևելու և այլ պետությունների ներքին գործերին չմիջամտելու մտադրությունը»։
