08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Ամփոփվել են ծանրամարտի Եվրոպայի մեծահասակների առաջնության անցկացման ուղղությամբ կատարված աշխատանքները
05.04.2023 | 17:54
Վարչապետի աշխատակազմի ղեկավար, ծանրամարտի Եվրոպայի 2023թ․ առաջնության անցկացման աշխատանքների նախապատրաստման և կազմակերպման միջգերատեսչական հանձնաժողովի նախագահ Արայիկ Հարությունյանի գլխավորությամբ այսօր տեղի է ունեցել հանձնաժողովի նիստը․ տեղեկացնում են ՀՀ կառավարությունից։
«Ծանրամարտի Եվոպայի առաջնության բացմանը մնացել է 10 օր, և այս հավաքով մենք կամփոփենք արված աշխատանքները, կտրվեն վերջին հաձնարարականները: Այս ընթացքում Հայաստանի ծանրամարտի ֆեդերացիայի հետ աշխատել ենք միջոցառման կազմակերպման ուղղությամբ: Երեկ այցելել եմ «Կիլիկիա» մարզադպրոց, որը լինելու է այս մրցումների հիմնական մարզումային սրահը. մենք նմանատիպ վերանորոգված, վերակառուցված, նման հնարավորություններով դահլիճ Հայաստանում չունենք: Կոնկրետ մարզադահլիճը ծանրամարտի առաջնությունից հետո ծառայելու է որպես բադմինթոնի, թենիսի մարզադահլիճ և, ըստ էության, վերանորոգումից հետո հանձնվելու է Երևանի քաղաքապետարանին»,- նշել է Արայիկ Հարությունյանը:
Հանդիպման ընթացքում ամփոփվել են կատարված աշխատանքները, հստակեցվել են նախապատրաստական ընթացիկ աշխատանքների ուղղությամբ առաջիկա անելիքները, քննարկվել են անվտանգության ապահովման, մարզիկների, պատվիրակությունների դիմավորման և տեխնիկական այլ հարցեր:
Արայիկ Հարությունյանը մեկ անգամ ևս ընդգծել է Հայաստանում ծանրամարտի Եվրոպայի մեծահասակների առաջնությունը պատշաճ մակարդակով անցկացնելու անհրաժեշտությունն ու կարևորությունը:
Առաջնությունը տեղի է ունենալու Կ. Դեմիրճյանի անվան մարզահամերգային համալիրում ապրիլի 15-23-ը: Առաջնության բացման արարողությունը կայանալու է ապրիլի 14-ին:
