29.04.2026 | 17:01
ՄԱԿ-ը հայտնում է, որ Իրանում պատերազմի սկզբից ի վեր մահապատժի է ենթարկվել առնվազն 21 մարդ, ձերբակալվել՝ 4000-ը
«Կան այլ համակարգերում կազմված կոռուպցիոն սխեմաներ, որոնք իրականացվել են օֆշորային գոտիներում»․ փորձագետ. ՏԵՍԱՆՅՈՒԹ
Հասարակություն
25.06.2018 | 15:35
Հայաստանում կոռուպցիայի դեմ պայքարելու համար անհրաժեշտ մարմին դեռևս ձևավորված չէ, դրա համար էլ այդ գործառույթն իր ուսերին է տանում Ազգային անվտանգության ծառայությունը, որը դրսևորում է քաղաքական կամք ՝ կոռուպցիան բացահայտելու ուղղությամբ, ինչը չկար նախորդ իշխանությունների օրոք։ Այսօր հրավիրված մամուլի ասուլիսի ժամանակ նման տեսակետ հայտնեց հակակոռուպցիոն ոլորտի փորձագետ Սյուզաննա Սողոմոնյանը։
«Կառավարության նոր ծրագրի շրջանակում նախատեսվում է ունենալ անկախ հակակոռուպցիոն մարմին, որը զբաղվելու է հակակոռուպցիոն կրթությամբ, կանխարգելմամբ և կոռուպցիոն սխեմաների բացահայտմամբ»,- ասաց Սողոմոնյանը։
Ասուլիսի մասնակից, հակակոռուպցիոն ոլորտի փորձագետ Մարատ Ատովմյանն էլ, խոսելով կոռուպցիայի դեմ պայքարի մասին, նշեց, որ կոռուպցիայի դեմ պայքարի հարցում ՀՀ-ն կարող է հետևել օրինակ Սինգապուրի օրինակին:
«Կան այլ համակարգերում կազմված կոռուպցիոն սխեմաներ, որոնք գուցե իրականացվել են օֆշորային գոտիներում, իսկ դրանց բացահայտումն այդքան էլ հեշտ գործ չէ»,- ասաց փորձագետը։
Մանրամասները՝ տեսանյութում։
