15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Պուտինը հույս է հայտնել, որ «ԵՄ-ի հետ տարաձայնությունները կմնան անցյալում, և հարաբերությունները կվերականգնվեն»
Քաղաքականություն
05.04.2023 | 18:05
Ռուսաստանի Դաշնության և Եվրամիության հարաբերությունները վերջին շրջանում լրջորեն վատթարացել են, հայտարարել է ՌԴ նախագահ Վլադիմիր Պուտինը օտարերկրյա երկրների դեսպանների հավատարմագրերի հանձնման արարողության ժամանակ։ Նրա խոսքով՝ դրանք դեգրադացվել են այն պատճառով, որ ԵՄ-ն աշխարհաքաղաքական մրցակցություն է նախաձեռնել Ռուսաստանի Դաշնության հետ։
«Այստեղ գտնվող Եվրամիության պատվիրակության ղեկավարը, հավանաբար, կիսում է այն կարծիքը, որ այս միության և Ռուսաստանի հարաբերությունները վերջին տարիներին խիստ վատթարացել են»,- ասել է Պուտինը։
Ըստ նրա՝ պատճառն այն է, որ ԵՄ-ն մի կողմ է թողել իր «հիմնական, սկզբնական գործառույթը»՝ զարգացնել տնտեսական համագործակցությունը, եվրոպական մայրցամաքում ինտեգրումը։ Պուտինը հավելել է, որ Ռուսաստանը բաց է գործընկերության համար, մտադիր չէ մեկուսանալ և ակնկալում է, որ ժամանակի ընթացքում Եվրամիության հետ տարաձայնությունները կմնան անցյալում, և հարաբերությունները կսկսեն վերականգնվել։
«Կցանկանայի հույս հայտնել, որ բոլոր գործողությունները, որոնք վնասում են մեր հարաբերություններին, այնուամենայնիվ, կմնան անցյալում։ Եվ մենք ամեն ինչ կանենք, որպեսզի դրանք անհրաժեշտ հունով ընթանան և՛ ՌԴ-ի, և՛ այդ կազմակերպության անդամ երկրների տնտեսությունների համար։ Մենք, ամեն դեպքում, հուսով ենք, որ փոխադարձ համագործակցության տրամաբանությունը ժամանակի հետ կվերականգվնի»,- եզրափակել է նա։
Տաթև Ֆռանգյան
