15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Կրեմլում գնահատել են Ուկրաինայի հետ բանակցությունների հեռանկարը
Քաղաքականություն
05.04.2023 | 17:17
Ուկրաինայի նախագահ Վլադիմիր Զելենսկիի այցը Լեհաստան չի նշանակում, որ Ուկրաինան կքննարկի ՌԴ-ի հետ խաղաղ բանակցությունների շարունակման հնարավորությունը։ «Իզվեստիա»-ի հաղորդմամբ՝ այս մասին հայտարարել է Կրեմլի խոսնակ Դմիտրի Պեսկովը։
«Մենք դեռևս դրա համար ոչ մի հեռանկար չենք տեսնում, այստեղ ավելացնելու բան չկա»,- նշել է ՌԴ նախագահի մամուլի քարտուղարը։
Պեսկովը լրագրողներին պարզաբանել է, որ այդ մասին չի խոսում նաև Ֆրանսիայի նախագահ Էմանուել Մակրոնի այցը Չինաստան։
Հավելենք, որ Լեհաստան Ուկրաինայի նախագահ Վլադիմիր Զելենսկիի այցի կապակցությամբ Լեհաստանի ցամաքային զորքերի հրամանատար, գեներալ Վալդեմար Սկշիպչակը ենթադրել է, որ Զելենսկին մեկնում է Վարշավա, որպեսզի կոալիցիա ստեղծի ՌԴ-ի հետ բանակցելու համար։
Տաթև Ֆռանգյան
