16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
ՄԱԳԱՏԷ-ի ղեկավարը ժամանել է Կալինինգրադ՝ ռուսական կողմի հետ Զապորոժիեի ԱԷԿ-ում իրավիճակը քննարկելու
Քաղաքականություն
05.04.2023 | 16:47
ՄԱԳԱՏԷ-ի ղեկավար Ռաֆայել Գրոսսին ապրիլի 5-ին Կալինինգրադում հանդիպել է ռուս պաշտոնյաների հետ՝ քննարկելու Զապորոժիեում ռուս զինվորականների կողմից օկուպացված ատոմակայանի անվտանգությունը: Գրոսսին անցյալ շաբաթ եղել է ատոմակայանում և կոչ է արել կողմերին իրավիճակին վերաբերվել ծայրահեղ լրջությամբ, հաղորդում է BBC-ի ռուսական ծառայությունը։
Զապորոժիեի ԱԷԿ-ն ամենամեծն է Եվրոպայում և ներկայում միջուկային վտանգ է ներկայացնում ոչ միայն եվրոպական մայրցամաքի, այլև ամբողջ աշխարհի համար։
«Ես շարունակում եմ ջանքեր գործադրել Զապորոժիեի ԱԷԿ-ի պաշտպանությունն ապահովելու համար»,- ասել է ՄԱԳԱՏԷ-ի ղեկավարը Կալինինգրադում կայացած հանդիպումից հետո, սակայն քննարկումից մանրամասներ չի հայտնել։
Հանդիպմանը մասնակցած «Ռոսատոմ»-ի ղեկավար Ալեքսեյ Լիխաչովի խոսքով՝ Ռուսաստանը ևս հոգ է տանում կայանի անվտանգության մասին և պատրաստ է դիտարկել ՄԱԳԱՏԷ-ի առաջարկները։
Ռուսական զորքերը Զապորոժիե ԱԷԿ-ը գրավել են Ուկրաինա ներխուժման առաջին օրերին: Այդ ժամանակից ի վեր ակտիվություն կա կայանի տարածքում, որը Կիևը, ՄԱԿ-ը և ՄԱԳԱՏԷ-ն չափազանց վտանգավոր են որակում։ Օրինակ՝ ռեակտորներից մեկի մոտակայքում անհասկանալի նշանակության օբյեկտներ են կառուցվում։ Բացի այդ, ռուսական կողմը շարունակում է գնդակոծել Զապորոժիեի շրջանը։
Տաթև Ֆռանգյան
