16.01.2026 | 16:09
Սոցփաթեթի գումարները կանխիկացնելու նոր տարբերակներ կգործեն․ ՏԵՍԱՆՅՈՒԹ
Իրանի խորհրդարանն Իսրայելում Ադրբեջանի դեսպանատան բացումը դատապարտող հայտարարություն է ընդունել
Քաղաքականություն
05.04.2023 | 17:09
Իրանի խորհրդարանն այսօրվա նիստում դատապարտել է Իսրայելում Ադրբեջանի դեսպանատան բացումը։ Ընդունված հայտարարությամբ 210 պատգամավորներ դատապարտել են ադրբեջանական դեսպանատան բացումը և երկրի ԱԳՆ-ից խնդրել դիվանագիտական միջոցներ ձեռնարկել այդ կապակցությամբ, գրում է IRNA գործակալությունը։
«Ադրբեջանի Հանրապետության կառավարությունը, իսլամական աշխարհի շահերին հակառակ, դեսպանատուն է բացել սիոնիստական ռեժիմի կենտրոնում և իր դեսպանին ներկայացրել կեղծ ռեժիմին։ Ադրբեջանի կառավարության այս գործողությունը բացասական քաղաքական հետևանքներ կունենա Բաքվի համար, աշխարհի մահմեդականները նրանց կհամարեն սիոնիստական ռեժիմի մեղսակիցներ՝ ճնշված պաղեստինցիների դեմ սպանությունների և ոճրագործությունների հարցում»,- ասվում է հայտարարության մեջ։
Հայտարարությունում արաբական և իսլամական կառավարություններին, իսլամական աշխարհին կոչ է արվում դատապարտել Ադրբեջանի այս քայլը։
Հավելենք, որ մարտի 29-ին Ադրբեջանի ԱԳ նախարար Ջեյհուն Բայրամովի մասնակցությամբ Իսրայելում պաշտոնապես բացվել է Բաքվի դեսպանատունը։ Արարողությանը մասնակցել է նաև Իսրայելի ԱԳ նախարար Էլի Քոհենը։
Էմմա Չոբանյան
