16.01.2026 | 16:22
Կոնֆերենցիաների լիգա․ «Նոան» իմացավ մրցակցին փլեյ-օֆֆում
Էմանուել Մակրոնը Պեկին է ժամանել
Քաղաքականություն
05.04.2023 | 13:46
Ֆրանսիայի նախագահ Էմանուել Մակրոնը պետական այցով ժամանել է Պեկին: Այս մասին հաղորդում է ՌԻԱ Նովոստին՝ հղում կատարելով Չինաստանի Կենտրոնական հեռուստատեսությունը։
Ֆրանսիայի նախագահի ինքնաթիռը Պեկինի ժամանակով չորեքշաբթի կեսօրին վայրէջք է կատարել մայրաքաղաքի միջազգային օդանավակայանում։
Մակրոնի այցը կտևի ապրիլի 5-ից 8-ը, նա կայցելի Պեկին և Չինաստանի հարավային Գուանդուն նահանգի Գուանչժոու քաղաքը։ Հեռուստաալիքը պարզաբանում է, որ Ֆրանսիայի նախագահի պաշտոնում սա Մակրոնի երրորդ այցն է Չինաստան։
Չինաստանի ԱԳՆ խոսնակ Մաո Նինգն ավելի վաղ հայտարարել էր, որ Չինաստանի նախագահ Սի Ցզինպինն ու Էմանուել Մակրոնը բանակցություններ կվարեն «Չինաստանի և Ֆրանսիայի, Չինաստանի և ԵՄ-ի միջև տարբեր ոլորտներում համագործակցությունը խորացնելու և միջազգային ու տարածաշրջանային կարևորագույն հարցերի շուրջ կարծիքներ փոխանակելու համար»։
Միաժամանակ, Ելիսեյան պալատը հայտնել է, որ, ընդհանուր առմամբ, Ֆրանսիայի նախագահը «վեցից յոթ ժամ կանցկացնի» Չինաստանի առաջնորդի հետ քննարկումներում։
Մակրոնը և Սի Ցզինպինը վերջին անգամ հանդիպել են Ինդոնեզիայում G20-ի գագաթնաժողովի շրջանակում՝ 2022 թվականի նոյեմբերին, մինչդեռ Ֆրանսիայի նախագահի վերջին այցը Չինաստան տեղի է ունեցել 2019 թվականին։
Տաթև Ֆռանգյան
